Аялал жуулчлалын чиглэлээр үйл ажиллагаа явуулдаг аж ахуйн нэгжүүд энэ оны эхний хагас жилийн байдлаар 63,3 тэрбум төгрөгийн татвар төлжээ.

Татвар төлөлтийг сүүлийн 3 жилээр авч үзвэл:

- 2019 онд 1320 байгууллага 87,1 тэрбум төгрөг,

- 2020 онд 1348 байгууллага 47,1 тэрбум төгрөг,

- 2021 онд 1401 байгууллага 65 тэрбум төгрөг,

- 2022 онд 1637 байгууллага 94,2 тэрбум төгрөг,

- 2023 оны эхний 6 сарын байдлаар 1376 байгууллага 63,6 тэрбум төгрөгийг улсын төсөвт оруулсан байна.Энэ оны хагас жилийг өмнөх 3 жилийн энэ үеийнхтэй харьцуулахад татварыг орлого нэмэгдэж, давах үзүүлэлттэй байгаа юм. Цаашид Монгол орныг зорин ирэх жуулчдын тоо нэмэгдэж, аялал жуулчлалын салбар Монгол Улсын эдийн засагт чухал нөлөө үзүүлэхийг БОАЖЯ мэдээлэв.

Засгийн газраас аялал жуулчлалын салбарыг эдийн засгийн тэргүүлэх чиглэл болгож 2023-2025 оныг “Монголд зочлох жил” болгон зарласан билээ. Энэ онд гэхэд “Нэг сая” жуулчин хүлээн авах зорилт тавьсан бөгөөд одоогоор 390 мянга гаруй жуулчин ирээд байгаа юм.