"The Hu" хамтлагийн АНУ-д хийх аялан тоглолт наймдугаар сарын 30-нд Сан Антонио хотоос эхлэнэ. Тэд зургадугаар сарын 3-наас Европ, Латин Америк дахь аялан тоглолтоо эхлүүлж, Монголдоо зургадугаар сарын 1-4-ний хооронд болсон “Power expo & Fest” наадмын тайзнаа тоглосон юм. Тэд эх орондоо байх хугацаандаа гурав дахь цомгийнхоо ажилдаа орж, их л завгүй байгаагаа хэлж байв.

"The Hu" хамтлагийнхан "Rumble of Thunder" нэртэй хоёр дахь цомгоо худалдаанд гаргаад буй. Шинэ цомогт "Учиртай гурав", "Шихихутаг", "Татар дайчин", "Хар аянга", "Байгаль эх" гэх мэт нийт 13 дуу багтсан.

Монголын "The Hu" хамтлагийн хоёр дахь цомог "Range" хөгжмийн мэдээллийн онлайн сэтгүүлээс гаргасан "2022 оны шилдэг 50 цомог"-ийн 29 дүгээрт жагссан амжилттайгаар энэ оныг угтсан бол алдартай "Metal Hammer" сэтгүүлээс гаргасан 2022 оны шилдэг 10 хөгжмийн видеоны нэгээр "The Hu" хамтлагийн "This Is Mongol" дууны клип шалгарсан юм.