НАТО-д элсэхийн тулд нутаг дэвсгэрийн буулт хийх боломжтой эсэхийг Украины ерөнхийлөгч Зеленскийгээс асуужээ. "Бид НАТО-ийн гишүүнчлэлийн төлөө ОХУ-ын Белгород хотыг солиход бэлэн. Манай улс зохих ёсны зэвсэггүй байгаа үед сөрөг довтолгоог шүүмжлэхэд хэцүү байна. Хүчтэй зэвсэггүй байж 5-8 км газар ахихын төлөө олон мянган цэргийн амь насыг эрсдэлд оруулахгүй" гэж Зеленский хариулсан байна.

Тэрбээр Дани улсын ерөнхий сайд Метте Фредериксентэй хамтарсан хэвлэлийн бага хурал хийх үеэрээ ийн мэдэгджээ. Түүнчлэн энхийн хэлэлцээ хийх эсэх, чухам хэзээ хийх нь Украины шийдэх асуудал гэж Метте Фредериксен онцолсон байна.

НАТО-ийн Ерөнхий нарийн бичгийн даргын тамгын газрын дарга Стиан Йенссен энэ сарын 15-ны өдөр Украин улс нутаг дэвсгэрээ солилцох замаар эвсэлд нэгдэх боломжтой гэж хэлсэн. Мөн ийм шийдвэрийг Киев дангаараа гаргах ёстой гэжээ. НАТО-ийн Ерөнхий нарийн бичгийн дара Йенс Столтенберг ч бас "Энхийн хэлэлцээ хийх нөхцөл бүрдэх эсэхийг зөвхөн Украин л шийднэ" гэжээ.