Цагдаагийн байгууллагад энэ оны нэг сарын 10-ны өдөр "Сонгинохайрхан дүүргийн нутаг дэвсгэрт Зүүнбаян -Уулын дугаар тоотод хулгайч орсон байна" гэх дуудлага мэдээлэл бүртгэгджээ. Дуудлага мэдээллийн дагуу Сонгинохайрхан дүүргийн цагдаагийн газрын хоёр дугаар хэлтсийн алба хаагчид шалгахад 53 настай эрэгтэй Э-ийн эзэмшлийн сууцанд 46 настай эрэгтэй Б гэгч нь хууль бусаар нэвтрэн гэр ахуйн цахилгаан бараа хулгайлсныг илрүүлэн мөрдөн шалгах ажиллагааг үргэлжлүүлж байна. 
Та өөрийн орон байр, албан байгууллага болон хувийн өмчдөө найдвартай хаалга, цоож, цонхны хаалт хийх, хөршийн хяналтын холбоогоо сайжруулж хулгайлах гэмт хэргээс урьдчилан сэргийлээрэй.