Монгол Улсын Ерөнхий сайд Л.Оюун-эрдэнэ авлига, хээл хахуульд идэгдсэн төрийн өмчийн байгууллагуудыг эхнээс нь “дэлбэлнэ” гэдгээ мэдэгдсэн.  Үүнд, УБТЗ-ыг эн тэргүүнд дурдсан бөгөөд дараахнаас нь албаны орлогч даргынх нь сейфнээс цочирдом их мөнгө гарч ирж, нийгмийг бухимдуулсан билээ. 
Тэгвэл вант улс гэгдэх УБТЗ-ын зарим нэгэн эрх мэдэлтнүүд дотооддоо ч “мөнгө угааж” суудаг гэх. Тодруулбал, тус байгууллагын Үйлдвэрчний эвлэл гэх том эрх мэдэлтэй байгууллага оршин тогтноод олон жил болж буй. Тус байгууллага нийт ажилчдынхаа цалингаас  ҮЭ-ийн гишүүний татварыг шууд суутган авдаг. Нэг удаадаа 3,3 тэрбумыг  суутгадаг бөгөд үүнийгээ ямар ч хяналтгүйгээр дур мэдэн зарцуулдаг байна. Энэ их мөнгийг цалингаас суутгадаг гэхээр хэчнээн мянган ажилтантай, ямар том байгууллага гэдгийг төвөггүй ойлгоно.
Хамгийн гол нь, гишүүний татварт суутгасан 3,3 тэрбумыг ҮЭ-ийн хорооны зарим нөхөд ажилчдадаа тодорхой хэмжээний хүүтэй зээлүүлж, “мөнгө угааж” суудаг гэдгийг УБТЗ-ын олон мянган ажилчин хэлж байна.  Хаа хаанаа хөлжих аргаа олсон УБТЗ дээрээ ч, доороо ийн ялзарчээ.