Олон нийтийн сүлжээнд Дунд голруу их хэмжээний хаягдал ус цутгаад байна гэсэн мэдээллийг Туул голын сав газрын захиргаанаас шалгахад ХУД-ийн 15-р хорооны нутаг дэвсгэрт баригдаж буй “Глобал таун” хотхоны суурийн ухлагын усыг “Бумбын шовх” ХХКомпани нь Усны тухай хуулийн 28 дугаар зүйлд заасан  ашиглуулах дүгнэлт, зөвшөөрөл гаргуулаагүй шавхалтыг хийж байсан зөрчил илэрсэн.
Дээрхи зөрчлийг холбогдох хууль журмын дагуу шалгуулахаар Байгаль орчин, аялал жуулчлалын яамны салбарын хяналтын газар болон Хан-Уул дүүргийн Цагдаагийн 1-р хэлтэст хүсэлт гарган холбогдох арга хэмжээг авч хамтран ажиллаж байна.