Олон нийтийн сүлжээгээр, согтуугаар тээврийн хэрэгсэл жолоодсон тохиолдолд 10 сая төгрөгөөр торгохоос гадна хоёр жил албадан ажил хийлгэх тухай хууль гарч, хэрэгжиж эхэлсэн гэсэн мэдээлэл тарсан. Тэгвэл энэ талаар ТЦА-ны Урьдчилан сэргийлэх хэлтсийн зохицуулагч, ахмад Б.Энхболдоос энэ талаар тодруулахад: “ Олон нийтийн сүлжээгээр тараад байгаа дээрх мэдээлэл худал гэдгийг албан ёсоор хэлье” гэлээ. Мөн ЦЕГ-аас “Зөрчлийн тухай хуулийн 14.7 дугаар зүйлд замын хөдөлгөөний аюулгүй байдлын тухай хууль зөрчих хэсэгт өнөөдрийн байдлаар ямар нэг нэмэлт өөрчлөлт ороогүй. Архи согтууруулах ундааны зүйл хэрэглэсэн үедээ тэээврийн хэрэгсэл жолоодсон зөрчил хүлээлгэх хариуцлагын тогтолцоог чангатгах асуудал яригдаж байгаа хэдий ч хуульд өөрчлөлт ороогүй гэсэн тайлбар өглөө. Өөрөөр хэлбэл, хуучин мөрдөгдөж байснаараа буюу согтуугаар болон сэтгэцэд нөлөөлөх бодис хэрэглэсэн үедээ тээврийн хэрэгсэл жолоодсон бол жолоодох эрхийг нэг жилийн хугацаагаар хасаж, 400.000 төгрөгөөр торгох хуулийн заалт хэвээрээ байгаа юм байна.