Нүүрсний гэх тодотголтой хэрэг замхрах вий гэсэн түгшил нийгэмд үүсээд байгаа энэ үед “Нүүрс”-ний сонсгол хийгдэхээр болж, хянан шалгах түр хороог ХЗДХ-ийн сайд Х.Нямбаатар даргалахаар болсон юм.

Чихэнд чимэгтэй нь “Нүүрс”-ний хэргийн сонсгол ирэх арав юм уу арваннэгдүгээр сард явагдахаар болсон мэдээ байв. Энэ нь бидэнд сайхан мэдээ ч хэрэгт холбогчдын хувьд тун чиг халгаатай.

Учир нь тухайн хэрэгт төрийн өндөр албан тушаалтнуудаас эхлээд агентлагийн хурган дарга нарын нэрс ч цохиж явсан. Үүнийг эсэргүүцсэн жагсаал цагаан морин жилийн хувьсгалаас хойшхи томоохонд тооцогдох өргөн хүрээнд болж байлаа.  

Сонсголын талаар ХЗДХ-ийн сайд сэтгүүлчдэд мэдээлэл өгөхдөө ”Сонсгол явуулахын тулд эхлээд хянан шалгагч, шинжээч нараа томилно. Бид уул уурхай салбарын мэргэшсэн иvнженерүүд, маркшэйдэрүүдийг судалж байна. Маргааш түр хороо хуралдана. УИХ-ын зарим гишүүн гадаад томилолттой байгаа тул түр хорооны ирц бүрдэхгүй байна. Томилгооны дараа шинжээчид нотлох баримтуудтай танилцан, дүгнэлтээ гаргана. Арав эсвэл арваннэгдүгээр сард сонсгол болох төлөвтэй байгаа. Хэрэг нь шүүх рүү шилжсэн хүмүүсийг ч сонсголд оролцуулж, үгийг нь сонсоно” гэсэн юм.