Нарантуулын босс Ш.Сайхансамбуу өнгөрсөн онд “Ардын чуулган” гэх нам байгуулах гээд бүтээгүй. Тэгвэл дахин өргөдөл өгсөн ч намын асуудал дээр дахин бүдэрлээ. Учир нь энэ сарын 5-нд Улсын дээд шүүхэд өргөдөл хүргүүлсэн байна. Уг өргөдөл нь “Ардын чуулган нам (АЧН) үүсгэн байгуулсныг улсын бүртгэлд бүртгүүлэх” тухай гэнэ. Гэвч түүний хүсэлтийг хэлэлцээд бүртгэхээс татгалзсан байна .

Тодруулбал, Ардын чуулган намаас 844 гишүүнтэй гэх мэдээлэл бүхий жагсаалтыг ирүүлсэн бөгөөд уг жагсаалтад дурдсан мэдээлэл нь Улс төрийн намын тухай хуулийн 9.3.7-д заасан шаардлага (овог, эцгийн болон өөрийн нэр, иргэний үнэмлэхийн болон регистрийн дугаар, оршин суугаа газрын хаяг, гарын үсэг)-ыг хангаж байгаа эсэхийг шалгахад 487 гишүүний мэдээлэл нь улсын бүртгэлийн мэдээллээс зөрүүтэй буюу 801 гишүүнтэй байх шаардлага хангаагүй байна гэж үзжээ.