Өвлийн хахир хүйтэн цагт дунд сургуулийн хүүхдүүд гадаах модон жорлонд бие засч, бага ангийн хүүхдүүд, ялангуяа охид доороосоо даарч хөрч, өвддөг талаар эцэг эхчүүд, багш нар зовниж, асуудл дэвшүүлсээр ирсэн. Тэгвэл орон нутгийн сургууль, цэцэрлэг, дотуур байр зэрэг 819 байгууламжийн гаднах нүхэн жорлонг орчин үеийн ариун цэврийн өрөөгөөр солих ажлыг 2021 онд эхлүүлснээр өдөөг хүртэл 4 үе шаттайгаар хэрэгжүүлээд байгаа сайн мэдээ байна. Энэ ажлын нэг, хоёрдугаар ээлж 16 аймаг, 92 сумын 307 сургууль, дотуур байрны ариун цэврийн байгууламжийн ажлыг 26 аж ахуй нэгжтэй хамран хэрэгжүүлсэн байфна. Барилга угсралтын ажлын хэрэгжилт 80 хуьтай, санхүүжилтийн гүйцэтгэл 66.2 хувьтай байна. Мөн гуравдугаар ээлж нь 15 аймгийн 113 суманд 280 сургууль, цэцэрлэг, дотуур байрын зураг төсөл боловсруулах ажлын гэрээг 7 аж ахуйн нэгжтэй байгуулсан бол хэрэгжүүлэхээр төлөвлөсөн 17 аймгийн 88 сумын 200 обьектын жагсаалтыг холбогдох аймгуудыцн Засаг дарга болон Боловсрол шинжлэх ухааны газруудаар нарийвчлан бодит судалгааг гаргуулжээ. Ингээд төлөвлөгөөнд тусган 2023-2024 оны хичэлийн жилд бүрэн хэрэгжүүлж дуусахаар төлөвлөн ажиллаж байгаа юм байна.