Өмнөд Солонгост бичиг баримтгүй амьдарч байгаа гадаадын 32 мянга гаруй иргэн өршөөлийн тусгай хөтөлбөрийн дагуу өнгөрсөн онд тус улсыг орхин гарчээ. Солонгосын Хууль зүйн яамнаас мэдээлснээр тус улсад “харласан” бичиг баримтгүй 410.000 орчим гадаад иргэн байгаагийн 8 орчим хувь нь буюу  32.026 иргэн өнгөрсөн жил нутаг буцсан байна. Өнгөрсөн оны арваннэгдүгээр сарын 17-оос хэрэгжиж байгаа одоогийн хөтөлбөр ирэх хоёрдугаар сарын 28-нд дуусах юм байна. Хөтөлбөрийн хүрээнд Өмнөд Солонгосоос сайн дураараа гарсан хүмүүс 30 сая вон хүртэлх торгуулиас чөлөөлөгдөж, эх орондоо буцахыг зөвшөөрнө гэжээ.