УБТЗ-ын ачаа тээвэр зохицуулалтын албаны орлогч дарга С.Батдөлийн гэрээс гүйцэтгэх ажиллагааны явцад 7н тэрбум гаран төгрөг 4н тэрбумын үл хөдлөх хөрөнгийг хурааж түүнийг шүүхийн шийдвэрээр нэг сарын хугацаагаар цагдан хорих таслан сэргийлэх арга хэмжээ авагдсаныг бид мэдээлж байсан. Тэгвэл Үндэслэлгүй хөрөнгөжсөн татвараас зайлсхийсэн авилга авсан зэрэг эрүүгийн хуулийн хэд хэдэн зүйл заалтаар буруутгагдсан С.Батдөл цагдаагийн байгууллагад эхний мэдүүлгүүдээ өгч эхэлжээ. Тэрээр хураагдсан 7н тэрбум төгрөгийн 2тэрбум нь миний мөнгө үлдсэн 5тэрбумын эздийг өмгөөлөгчтэйгөө зөвлөлдөж байж нэрийг нь хэлнэ гэсэн бол мөрдөн байцаалтын явцад Авилга авахын тулд ачаа тээврийг гацаасан. Үүнд сайд дарга нар оролцсон. Авсан мөнгөө сонгуульд зарцуулсан хэмээн мэдүүлэг өгсөн ч сураг дуулдаж байна. Мэдээж албаны орлогч ганцаараа энэ хэмжээний авилгад оролцсон байх боломжгүй. Араас нь олон хүн илчлэгдэж таарна. Цагдаагийн байгууллага ч ганц С.Батдөлийн мэдүүлгээр бус боодолтой мөнгөн дээр хийгдсэн банкны тэмдэглэгээгээр авилга өгсөн эздийг олж тогтоохоор ажиллаж байна.