АН-ын дэргэдэх Ардчилсан эмэгтэйчүүдийн холбооны дээд чуулган /2023.09.25/ болж ерөнхийлөгчөө сонголоо. 60 саяын дэнчинтэй тус сунгаанд долоон хүн өрсөлдөж Лу.Гантөмөрийн зүтгүүлсэн хүн Б.Жаргалан ерөнхийлөгчөөр сонгогдов. Түүний хувьд санал хураалтын дүнгээр 4 нэр дэвшигч өрсөлдөгч өрсөлдөж 569 хүчинтэй саналаас 285 санал авч ялалт байгууллаа.

Эсрэг талд олны дунд рейтинг өндөртэй байсан УИХ-ын гишүүн А.Адъяасүрэн бүдэрлээ. Түүний хувьд экс МУ-ын Ерөнхийлөгч Х.Баттулгын зүтгүүлсэн хүн боловч байдал эсрэгээрээ эргэв. Учир нь эрхэм гишүүн нүүрсний хулгайн хэрэгт нэр холбогдож, хэрвээ сонгогдвол олны дунд АН-ыг муухай харагдуулна гэж үзсэн бололтой.

Бусад өрсөлдөгчдийн хувьд сонирхол татсан хүн нь “Элийрэгч” хэмээх Ц.Уянга байв. Түүнийг МУ-ын Ерөнхийлөгч асан Ц.Элбэгдорж, АН-ын дарга асан С.Эрдэнэ, АН-ын гишүүн М.Зоригт тэргүүтэй хүмүүс дэмжиж байгаагаа илэрхийлж байсан ч “амжсангүй”.