Дарханы зам үе үеийн сайд нарын шүдний өвчин болсоор ирсэн. Энэ ондоо багтаж дуусах болов уу гэсэн иргэдийн хүлээлт ч байгаа. Тэгвэл энэ асуудал дээр УИХ-ын Г.Дамдинням байр сууриа илэрхийлсэн байна.

Тэрбээр: “Өнөөдрийн байдлаар АХБ-ны санхүүжилттэй эхний урсгалын 5 багц ажлын нийт гүйцэтгэл 87.9 %-тай байгаа бөгөөд суурь хучилтууд үндсэндээ дуусч өнгө хучилтууд хийгдэж байна. Уг урсгалын 3 багцын барилгын ажил үндсэндээ дуусаж, хөдөлгөөнийг нээсэн.

Харин хоёрдугаар урсгалын 5 багцын нийт гүйцэтгэл 70.3% болсон нь сарын өмнөх тайлангаас 6 хувиар ахисан үзүүлэлт бол хоцрогдол нь 27.6% -тай байна. Өнгө асфальт хучилт, хашлага суурилуулалт, цутгалтын ажлууд тус тус хийгдэж байна. Талбайд нийтдээ 856 хүн хүч, 398 техник байршин ажиллаж байна. Багц тус бүрийн гүйцэтгэлийн хувийг инфографикаас харах боломжтой. Хүйтрэх гээд байдаг, барилгын ажил хийх ганц сар үлдсэн байдаг. ЗТХЯ-ы нөхдүүдээ” гэлээ.