“Ханжоу 2022” Азийн наадмын эхний 3 өдрийн байдлаар Монгол улсын жүдо бөхийн шигшээ баг хоёр мөнгө, гурван хүрэл медалийг хүртээд байна.

Азийн наадмын жүдо бөхийн эрэгтэйчүүдийн 66 кг-д барилдсан Ёндонпэрэнлэйн Басхүү мөнгөн медаль, эрэгтэйчүүдийн -100 кг-д барилдсан Б.Гончигсүрэн мөнгөн медаль, эмэгтэйчүүдийн 52 кг-д барилдсан Лхагвасүрэнгийн Сосорбарам хүрэл медаль, эрэгтэйчүүдийн 73 кг-д Цэнд-Очирын Цогтбаатар хүрэл медаль, эмэгтэйчүүдийн +78 кг-д барилдсан А.Адьяасүрэн хүрэл медалийг тус тус хүртжээ.

Өнөөдөр буюу 2023 оны 9 сарын 27-ны өдөр манай жүдочид холимог багийн барилдаанд эхний тойрогтоо БНХАУ-ын багтай барилдаж 4:3 харьцаагаар ялагдсан бол дагах барилдаанд Тайландын багийг 4:0 харьцаагаар ялж шигшээ барилдаанд хүрэл медалийн төлөө 16:00 цагаас БНСУ-ын багтай барилдахаар болсон байна.