Зайсангийн шинэ гүүрний бүтээн байгуулалт дууслаа. Өнөөдөр Нийслэлийн холбогдох албаныхан тус гүүрний үйл ажиллагааг албан ёсоор нээв. Туул гол дээгүүр баригдсан 225 метр урттай, дөрвөн эгнээтэй гүүр нь өдөрт 35 мянган тээврийн хэрэгсэл нэвтрүүлэх хүчин чадалтай юм байна. Одоо хэрэглэгддэг Зайсангийн гүүр 22 мянгыг нэвтрүүлдэг. "ЗМЗ" ХХК гүүрний бүтээн байгуулалтыг 26.1 тэрбум төгрөгөөр хийж гүйцэтгэжээ.