Нийслэл Улаанбаатар хотын эрх зүйн байдлын тухай хууль, Өрийн удирдлагын тухай хууль, Төсвийн тухай хууль болон бусад хууль, тогтоомж, журамд нийцүүлэн Улаанбаатар хот 500 тэрбум хүртэлх төгрөгийн бондыг нийтэд санал болгохоор төлөвлөсөн. Тэгвэл Санхүүгийн зохицуулах хорооны 2023 оны есдүгээр сарын 1-ний 427 дугаар тогтоолоор Улаанбаатар хотын бонд гаргах зөвшөөрлийг олгосон юм.

Тэгвэл Улаанбаатар хотын бондын анхдагч арилжаа өнөөдөр эхэлсэн. Арилжаа энэ сарын 4-ний өдөр хүртэл үргэлжлэх юм.

Бонд гаргах замаар татан төвлөрүүлсэн хөрөнгөөр нийслэлийн төвлөрлийг сааруулж, түгжрэлийг бууруулах, авто зам, замын байгууламжийн сүлжээг өргөтгөх, сургууль, цэцэрлэгийн хүртээмжийг сайжруулах зэрэг стратегийн томоохон ач холбогдолтой төсөл, арга хэмжээг санхүүжүүлэх юм.

Үүн дотор “Сэлбэ сэргэлт” гэх төсөл бий. Зорилго нь голын урсацыг сайжруулах, тохижилт газар чөлөөлөлт зэрэг асуудлууд багтсан юм. Энэ төсөл нь мөн “Ногоон автобус”-ны адил нууцын зэрэглэлтэй хэрэгжих гэнэ. Нууцад оруулсанаар тендерийг шууд зохион байгуулж, хэн ямар компани ямар төсөв өртөгтэй ямар ажил хийх нь тодорхойгүй болох юм.

Тухайн ажлыг авч хэрэгжүүлэх аж ахуй нэгж нь мөн л “Тугаа тахиулаад” өнгөрөх вий?

Д.ЦЭГЦ