Ерөнхий сайд Л.Оюун-Эрдэнэ Ж.Сандагсүрэн, З.Төмөртөөмөө хоёрыг дуудаж уулзаад "Ажлаа өг" хэмээсэн гэх мэдээлэл цахим орчинд тархаад байгаа. Тэгвэл нийслэлийн Эдийн засгийн хөгжил, төр, хувийн хэвшлийн түншлэлийн асуудал хариуцсан орлогч Ж.Сандагсүрэн, Нийгмийн хөгжил, боловсрол, эрүүл мэндийн асуудал хариуцсан орлогч З.Төмөртөөмөө нарыг Ерөнхий сайд Л.Оюун-Эрдэнэ дуудаж уулзсан гэдэг нь худал мэдээлэл юм. Гэхдээ "ажлаа өг" гэдэг чиглэлийг өгсөн байна. Түүнчлэн Ерөнхий сайд Д.Сумъяабазарыг чөлөөлөх захирамжаа албажуулаагүй. Маргааш Засгийн газрын хуралдаанаар энэ акц өрнөнө. Ерөнхий сайдын захирамж гарчихвал Хотын даргын үүргийг Ж.Сандагсүрэн түр гүйцэтгэх хуультай юм.