Нийслэлийн иргэдийн Төлөөлөгчдийн хурал дахь МАН-ын бүлэг хуралдлаа. Хуралдаанаас гарсан шийдвэрийн талаар НИТХ дахь МАН-ын бүлгийн дарга Д.Ихбаяр мэдээлэл өглөө. 
Д.Ихбаяр: Үүсээд байгаа нөхцөл байдалтай холбоотойгоор МАН-ийн бүлэг хаалттай хурал хийлээ. Хуралдаанаас маргааш нийслэлийн МАН-ын тэргүүлэгчдийн хурлыг зарлаж хуралдуулах шаардлагыг Нийслэлийн МАН-ын даргад хүргүүллээ. 
Маргааш тэргүүлэгчдийн хурлыг хийгээд удирдах зөвлөлийн хурлыг хуралдуулах саналыг мөн хүргүүлнэ. Удирдах зөвлөл дээр энэ асуудал яригдана байх. 
НИТХ-ын Төлөөлөгч Б.Сүхбаатар: Нийслэлийн засаг даргыг томилох нь хуулийн нарийн заалттай. Хуулийн хүрээнд л явна. ИТХ дээр шийдвэр гарна. Гарсан шийдвэрийг Ерөнхий сайдад өргөн барина.