А гэгч нь хуурамч нэр, хаягтай фэйсбүүкийн аккаунтаараа охидын нүцгэн зураг, бичлэгийг ятгах, гуйх байдлаар хийлгэж авдаг, мөн удаан хугацаанд харилцсан охидтойгоо уулзаж, бэлгийн харьцаанд ордог байжээ. Охидыг өөртөө дасган уулзаж дотно харилцаанд орсныхаа дараа, охид уулзахаас болон зураг бичлэг хийхээс татгалзах үед нь зураг бичлэгийг нь олон нийтийн сүлжээнд тавина гэж айлган сүрдүүлдэг байжээ. А нь насанд хүрээгүй О.Н гэх охинтой бэлгийн харьцаанд орохдоо дээрх үйлдлээ нийт 4 удаа үйлдсэн болох нь мөрдөн шалгалтын үеэр тогтоогдсон байна. Сонгинохайрхан дүүргийн прокурорын газраас түүнийг Эрүүгийн хариуцлагад татаж, дүүргийн Эрүүгийн хэргийн анхан шатны шүүх, Нийслэлийн давж заалдах шатны шүүхээс Эрүүгийн хуулийн тусгай ангийн 16.9 дүгээр зүйлийн 2 дахь хэсгийн 2.1, 13.5, 12.1 дүгээр зүйлийн 4 дэх хэсэгт тус тус зааснаар 20 жилийн хорих ял оногдуулсан байна. Эцэг эхчүүд, асран хамгаалаагчид бага, өсвөр насны охид хүүхдүүдийнхээ цахим хэрэглээг хянаж, холбоо харилцаанд нь анхаарал тавьж байхыг цагдаагийн байгууллагаас сэрэмжлүүлжээ.