Ханжоу хотод Азийн зуны спортын 19 дүгээр наадам ид дундаа өрнөж байна. Өнөөдөр тус наадмын чөлөөт бөхийн төрөл эхэлж байна. Энэ өдөр Монголын гурван бөх дэвжээнд гарах хуваарьтай. Тэмцээний эмэгтэйчүүдийн 50 кг-ын жинд 23 хүртэлх насныхны ДАШТ-ий хүрэл медальт, Азийн аварга Ц.Намуунцэцэг, 53 кг-д олимп, ДАШТ-ий хүрэл медальт, гавьяат тамирчин Б.Болортуяа, 57 кг-д ДАШТ-ий хүрэл медальт, залуучуудын дэлхийн аварга Э.Даваачимэг нар өрсөлдөнө. Энэ тэмцээнд Монголын нийт 12 тамирчин хүч үзэх юм.

Тэгвэл ДАШТ-ий хүрэл медальт, гавьяат тамирчин Б.Болортуяа эхний барилдаанаа хийлээ. Эхний учраа Индонезийн Сандра Маримар байв. Гавъяат маань түүнийг 14:1 гэсэн харьцаатай яллаа. Түүний дараагийн өрсөлдөгч Тайванийн Хсие Мен Хуан байна.