2023 оны нэгдүгээр сарын 9-13-ны өдрүүдэд нийт 119 гомдол мэдээллийг шалгасны дотор 6 гомдол мэдээлэлд хэрэг бүртгэлийн хэрэг нээж, мөн 6 гомдол мэдээлэлд хэрэг бүртгэл нээхээс татгалзах, 2 гомдол мэдээллийг харьяаллын дагуу шилжүүлэх саналтайгаар прокурорт шилжүүлсэн бөгөөд одоогоор 105 гомдол , мэдээллийг хянан шалгаж байгаа талаар мэдээ ирүүллээ. Түүнчлэн эрүүгийн 772 хэрэгт мөрдөн байцаалтын ажиллагаа явуулснаас өнгөрсөн долоо хоногт 12 хэргийг шүүхэд шилжүүлэх, 9 хэргийг хаах саналтай прокурорт хүргүүлж, 4 хэргийг нягтлан шалгаж байна. Шүүхэд шилжүүлэх саналтайгаар прокурорын байгууллагад хүргүүлсэн хэргүүдээс, нийтийн албан тушаалтанд хахууль өгөх, эрх мэдэл албан тушаалаа урвуулан ашиглаж , бусдад давуу байдал бий болгосон, хахууль авсан болон өгсөн, мөнгө угаасан, ажил үүргээ хэрэгжүүлснийхээ хариуд бусдаас хахууль авсан, тендерт шаардлага хангаагүй аж ахуй нэгжийг шалгаруулсан, мөн холбогдох албан тушаалтнууд бүлэглэн албан тушаалаа урвуулан ашиглаж, тооцоо нийлсэн актыг хуурамчаар үйлдсэн, эрх мэдэл албан тушаалын байдлаа урвуулан ашиглаж, бусдад хууль бус давуу байдал бий болгосноос орон нутгийн төсөвт ихээхэн хэмжээний хохирол учруулсан гэх хэргүүд байгаа юм байна.