ОХУ импортын шатахуундаа хориг тавьж шатахуун хомсдох вий гэсэн эргэлзээ төрж байв. Өнөөдрөөс эхлэн зарим нэр бүхий шатахуун түгээгүүрийн газрууд АИ92 төрлийн шатахуун дууссан гэж түгээлт хийхгүй жолооч нарыг бухимдуулав.

Тэгвэл УУХҮЯ-аас АИ92 шатахууны нөөцийн тодруулахад, “Нөөц хэвийн байгаа. Хувийн хэвшлийн байгууллагууд тээвэрлэлт удаарширсантай холбоотой байж магадгүй” гэх тайлбарыг өглөө.

Хар төрүүлсэн нэг зүйл нь шатахуун импортлогч байгууллагууд үгсэж зохиомол хомсдол үүсгэн шатахууны үнийг нэмэх вий гэсэн хардлага юм.

Ямартай ч энэ сар дуустал АИ92 нөөц хэвийн байгааг салбар яамнаас мэдээллээ.