Автобусны тендер, нийтийн тээврийн парк шинэчлэлийн асуудлаар Түгжрэл хариуцсан сайд Б.Дэлгэрсайхан мэдээлэл өглөө. Тэрбээр "Одоо хийх чухал, ярих бол хоёрдугаар асуудал. Автобусны асуудлыг хурдан шийдье. Хоёрт, метроны асуудлыг хөндөж байна. Ногоон автобусны тендерийг олон улсын байдлаар зарласан. Хот өөрөө шууд үйлдвэрлэгчээс нь авна гэсэн үг. Энэ өвөлдөө нийтийн тээврийн парк шинэчлэлтийг хийж амжина. Бид олон газартай ярьж байна.
Харин ногоон автобусны өнгөрсөн хэргийг хууль хяналтын байгууллага шийднэ, бид урьдчилж ярьж болохгүй. Эхлээд хууль эрх зүйн шинэчлэлээ бүлэгт танилцуулчихлаа. Одоо түгжрэлийн тухай хуулиа УИХ-аар оруулж ирнэ. Хуульд бол татвартай холбоотой нэлээд асуудлыг тусгалаа. Хоёрт утаанаас салгах, орон сууцжуулах гэдэг багц асуудал. Засгийн газарт танилцуулагдсаны дараа илүү тодорхой болно" гэлээ.