Ардчилсан намын дарга Л.Гантөмөр цаг үеийн асуудлаар мэдээлэл хийлээ. 
Тэрбээр, "2024 оны төсвийн төсөл хүмүүсийн амьдралыг огт бодсонгүй гэж дүгнэж байгаа. Ард түмэн өрийн сүлжээнд орчхоод байгааг ерөөсөө ойлгохгүй байна. Харахыг хүсэхгүй байна. Зүгээр л сонгуульдаа зориулж улам их өрийн дарамтыг бий болгосон төсвийн төсөл өргөн барьж байгаа. Ер нь манайхны нэг алдаа бол дөрвөн жилд нэг удаа сонгуулийн өмнө төсвөө тэлж маш их зардал гаргадаг. Үүний өртгийг дараагийн дөрвөн жил ард түмэн төлдөг. Та бүгд 2012 2016 2020 оны төсвүүдийг хараарай. Мөн Хятадын эдийн засгийн удаашрал, дэлхий дээр болж байгаа дайн манай түүхий эдийн үнэд нөлөөлнө. Ялангуяа Ойрх Дорнодод болж буй мөргөлдөөн эдийн засгийг удаашралд оруулна. Эдийн засаг бол ерөнхийдөө царцана. Ийм байхад манайхан орлогоо хэт дөвийлгөж найман их наяд гэх нь буруу" гэв.