МУ-ын ерөнхийлөгч асан Х. Баттулга Солонгосоос ирээд хэдхэн хонож байна. Тэрээр өнөөдөр үндсэн хуулийн цэцэд өөрийн биеэр очиж өргөдөл өгчээ. Тодруулбал, тэрээр Улсын дээд шүүхийн шүүгч Д. Ганзориг, С. Баярцогт нарыг шалгуулах хүсэлтэй байгаа юм байна. Иргэн С. Баярцогтын талаар, гурван шатны шүүхээр ял авсан хэрэгтэн чөлөөлөгдөөд олон нийтэд

“... би цагаадсан,... гүтгэгдсэн байсан, энэ нь тогтоогдсон”

гэсэн мэдэгдэл хийж, одоо Ардчилсан намын дарга болохоор улайрч байгаа асуудлыг шалгуулах хүсэлтэй байна гэлээ. Мөн Х. Баттулга, С. Баярцогтыг АН-ынханд “Би цагаадсан, улсын дээд шүүхтэй тохирсон” гэсэн хэл яриа хийсэн гэлээ. Хяналтын шатны шүүхийн тогтоол, шүүхийн эцсийн шийдвэр байх ба уг тогтоолд гомдол гаргахгүй гэж заасныг зөрчиж, эрүүгийн хэргийн нэгдсэн шүүхийн хуралдаан гэж хуульд байхгүй систем гаргаж,, хэргийг хянан шийдвэрлэсэн асуудлыг шалгуулахаар ийнхүү цэцэд хандаад байгаа юм байна.