OХУ Украины дайны зүүн фронтоос ухарч буй цэргүүдээ хөнөөж байна хэмээн Цагаан ордон мэдээлжээ. АНУ-ын албан тушаалтнуудад байгаа мэдээллээр бол Авдиевка тосгоны байлдаанд амь үрэгдсэн зарим Орос цэргүүд удирдагчдадаа алуулсан байна. Энэ сарын дундаас эхлэн Украин болон ОХУ-ын цэргүүд Авдиевка тосгоны төлөө ширүүн байлдаж эхэлсэн. Украины тооцоолсноор Авдиевка тосгоны төлөөх байлдаанд ОХУ 5 янга гаруй цэргээ алджээ. Мөн АНУ ОХУ-ын арми тус байлдаанд дор хаяж 125 хуягт машинаа алдсан гэж мэдээлсэн юм.

Авдиевка тосгон
Пүрэв гарагт /2023.10.26/ АНУ-ын Үндэсний аюулгүй байдлын зөвлөлийн төлөөлөгч Жон Кирби “”ОХУ-ын дайчлагдсан цэргүүд бэлтгэл, зэвсэг хангамжийн хувьд дутмаг байна. Яг л өнгөрсөн жилийн өвөл довтолгоо нь амжилтгүй болсон шиг” хэмээжээ.
Тэрбээр нэмж Оросын арми “хүний тоогоор давлагаалах” тактикийг ашиглан, эдгээр муу бэлтгэгдсэн цэргүүдийг шууд байлдаан руу илгээж байгаа бололтой гэж хэлсэн юм.

ЭХ СУРВАЛЖ BBC