Нүүрсний хулгайн нэгээр нэрлэгдсэн Ерөнхийлөгч асан Х.Баттулга гадаадад эмчлүүлэх нэрийдлээр хил давсан. Нүүрсний хамгийн том хулгайч, акулыг зугтаалгалаа хэмээн улстөрчид болоод иргэд  бачимдан, АТГ ч төлөвлөгөөт хагалгаа хийлгэхээр явсныг зарласан билээ. 
Харин хил даван зугтлаа гэсэн Х.Баттулга саяхан эх орондоо ирж, улс төр ч давхар буцалж эхэллээ. Үнэндээ тэрбээр хагалгаандаа орсон уу. Тийм шинж тэмдэг алга. Харин ч БНСУ-д төрийн хамгаалалтаа орхин Сингапурт баруун, зүүн гаруудаа дуудан “хор” найруулж яваа гэх мэдээлэл түгсэн нь үнэний ортой байж мэдэхээр байна.
Тэрбээр Монголд ирэнгүүтээ улс төрийн зоримог алхам хийж, эн тэргүүнд С.Баярцогтыг цагаатгасан Улсын Дээд шүүхийн ерөнхий шүүгч Д.Ганзоригийг Үндсэн хуулийн Цэцэд өглөө. Түүний эхний алхам энэ. Харин дараа дараагийнх улам сонирхолтой болох нь ойлгомжтой.