Өнөө шөнө зүүн аймгуудын нутгаар цас орж, цасан шуурга шуурахыг ЦУОШГ-аас анхааруулж байна. Маргааш буюу 10-р сарын 31-нд өдөртөө баруун аймгуудын нутгийн баруун болон хойд, төв болон зүүн аймгуудын нутгийн хойд хэсгээр цас орно.

Салхи Алтайн салбар уулс болон говийн бүс нутгийн өмнөд хэсгээр түр зуур секундэд 16-18 метр хүрч ширүүсэж, шороон шуурга шуурна.

Улаанбаатар хот орчмоор өдөртөө үүлшиж, ялимгүй хур тунадас орно. Шөнөдөө Яармаг-Сонгины орчмоор -12...-14 градус, бусад хэсгээр -6...-8 градус хүйтэн, өдөртөө +5...+7 градус дулаан байна.

Харин 11 дүгээр сарын 1-нд баруун аймгуудын ихэнх нутаг, төвийн аймгуудын нутгийн зарим газар, зүүн аймгуудын нутгийн хойд хэсгээр цас орно. 11 дүгээр сарын 3-наас ихэнх нутгаар хүйтрэх төлөвтэй байна.