МАН-ын дарга, Ерөнхий сайд  асан М.Энхболд 1999-2005 онд Хотын даргаар ажиллаж байхдаа олгосон газартай нь холбоотой асуудлаар Авлигатай тэмцэх газраас шалгаад эхэлжээ. М.Энхболд Нийслэлийн Засаг даргаар ажиллаж байхдаа газрын наймааг цэцэглүүлж, хууль бус газар олголт хавтгайрсан гэдэг. Тодруулбал, нийтэд ил болгосон мэдээллээр нийслэлийн үе үеийн Засаг дарга нараас М.Энхболдын үед 7374 захирамж гарч, газар олгосон байдаг. Тэрбээр бүрэн эрхийнхээ зургаан жилийн хугацаанд 7374 байршилд газар эзэмшүүлэх шийдвэрт гарын үсэг зурсан гэсэн үг. 

Түүний араас Э.Бат-Үүл 1888 байршилд газар олгох шийдвэр гаргаснаар удаалж байгаа бол Г.Мөнхбаяр 1673 байршилд,  С.Батболд 1381 байршилд,  С.Амарсайхан 811 байршилд, Д.Сумъяабазар 621 байршилд, Т.Билэгт 516 байршилд, Ц.Батбаяр 485 байршилд, Ж.Батбаясгалан 174 байршилд газар олгох захирамжийг тус тус  гаргаж, шийдвэрлэжээ.