Өвөл ирлээ... Сэтгэл сэргээх мэт сэрүү татуулсан аравдугаар сар дуусаж, арваннэгдүгээр сар ирлээ. Энэ долоо хоногт зарлагдсан шинэхэн эвент, хөгжмийн тоглолт, өөрийгөө хөгжүүлэх бүтээлч өдpүүдийг чамд уламжилъя. 

ХӨГЖИМ 

Kharkhorum Visual Art & Music Festival Chapter 3: Spirits

Хаана: AIC Steppe Arena

Хэзээ: 11 сарын 3 

Залуусын тэсэн ядан хүлээдэг KHARKHORUM фестиваль энэ долоо хоногт зарлагдаад байна. 360 хэмжээст дүрслэлд визуал уран бүтээлүүдийг шимтэн үзэж, олон улсын шилдэг электроник DJ нарыг дэргэдээс нь сонсон мэдрэхийг хүсвэл KHARKHORUM-ыг зориорой.

Найруулга 2022-2023 - Монгол, Тайвань улсын цохивор хөгжимчдийн тоглолт

Хаана: Улсын Филармони 

Хэзээ: 11 сарын 1

Монгол улсын Консерваторийн Цохивор хөгжмийн чуулга ба Тайвань улсын нэр маримба артист, профессор, хөгжмийн ухааны доктор Вейчен Лин, “Тайпеийн иргэний симфони оркестр”- ын цохивор хөгжимчин Нэйтэн Пиацца нарын хамтарсан тоглолтоор монголын болон дэлхийн сонгодог хөгжмийн зохиолчдын бүтээлээс толилуулах болно.

Bat-Orfil Live at Fat Cat Jazz Club

Хаана: Fat Cat Jazz Club Ulaanbaatar

Хэзээ: 11 сарын 3,4 

Бидний хайрт уран бүтээлч Т.Бат-Оргил анх удаа Fat Cat Jazz Club-т тоглолтоо хийх гэж байна. "Мөнхийн ус", "Хагацашгүй анддаа" зэрэг сонгодог хит дуунуудаараа таныг уяраах болно. 

ЖҮЖИГ

С.Рахманинов 150 жил тоглолт 

Хаана: Улсын Филармони

Хэзээ: 11 сарын 2

Улсын Филармонийн тайзнаа С.Рахманиновын 150 жилийн ойг тохиолдуулан төгөлдөр хуур найрал хөгжимд зориулсан 2-р концерт, Паганинигийн тема дээр бичигдсэн Рапсоди тоглогдох гэж байна.

ЭВЕНТ

My Chevening Journey

Хаана: Галлериа Улаанбаатар төвийн 3 давхарт MG Ballroom

Хэзээ: 2023 оны 11 сарын 3-ны Баасан гарагт, 15:00 цагт

Их Британийн Засгийн газрын "Chevening"-ийн тэтгэлгээр суралцсан төгсөгчид буюу чевнерүүд өөрсдийн онцгой түүхийг хуваалцах гэж байна. Chevening төгсөгчид тэтгэлэгт хэрхэн үр дүнтэй бэлтгэх талаар үнэ цэнтэй зөвлөгөөг өгч, асуултуудад хариулах болно. Эвентийн үеэр чевнерүүдтэй танилцаж, зөвлөгөө мэдээлэл авах боломжтой шүү. Эвент үнэ төлбөргүй, суудлын тоо хязгаартай.

Охидын болзоо + Бясалгал 

Хаана: May moms therapy

Хэзээ: 11 сарын 4

Амралтын өдрөөр ээж охидын хөөрхөн болзоо хийх үү? Тэгвэл эвентийг зорин хамтдаа бясалгаж, танилын хүрээгээ тэлж, хөгжилдөн өнгөрөөгөөрэй.