Хөшигний ард ирэх дөрвөн жилийн улс төр хоёрхон хүний нэр дээр хөвөрч байна. Ухнаагийн Хүрэлсүхийг Сү.Батболд, М.Энхболд нарын хамтаар нэгтгэсэн Ц.Элбэгдорж, Да.Ганболд нарын дэмжлэгтэй С.Баярцогт. Нөгөө талд одоогийн засгийн газрыг төлөөлж Ерөнхий сайдын Л.Оюун-Эрдэнийн баг. Энэхүү хоёр талцлын гол дүр С.Баярцогтын сонгуулийн акц хэрхэн өрнөж буйг товч бөгөөд тодорхой өгүүлье

Ерөнхийлөгч асан Ц.Элбэгдорж, Ерөнхийлөгч Х.Баттулга нарын улс төрийн зодоон хараахан дуусаагүй ч С.Баярцогт Лу.Гантөмөрөөр улс төрийн гол өрнөлөө хийлгэж, ард нь лобби ажиллагаа явуулж, сонгуулийн нүүдлээ хийж байгаа. Ингэхдээ С.Баярцогтын лобби Апу ХХК-ийн Д.Батсайхан, MCS-ийн Оджаргал, Сү.Батболд нарын уулзалтаар эхэлж, 2022 оны найман сард 60 тэрбумын санхүүжилт босгосноор өрнөв.

Хамгийн сүүлд С.Баярцогтод хамт оффшорын хэрэгт нэр холбогдож байсан Баян хочит Р.Базар санхүүжилт олгож байгаа талаар эх сурвалж мэдээлсэн. Гэтэл  төд удалгүй С.Баярцогт одоогийн Ерөнхийлөгч У.Хүрэлсүхийн бүрэн эрхийг сунгаж өгөхөөр амласан. Эл дүр зургийг нэхэн харвал С.Баярцогт түүний найз баян Базар нарын оффшорын хэргийг хамгаалах гол тоглолтыг хийж байсан У.Хүрэлсүхийн хувьд таатай боломж бүрдсэн учир АН-ын томчуултай хамтарсан Засгийн газар байгуулахаар шийдээд байгаа аж. 

Хамгийн сонирхолтой нь С.Баярцогт өнөөдрийг хүртэл “АРДЧИЛСАН” намыг “ЖЕНКО”-гоос хамгаалаад байгаа мэт харагдаж байгаа нь жүжиг байж болзошгүй. Тэд эртний халаас нэгтэй найзууд болохыг өнгөрсөн жилүүдийн тэдний бизнесийн түүх батлаад байгаа юм. Тухайлбал тэд өнөөдөр өрнөж буй нийтийн тээврийн парк шинэчлэлд нүүрлээд байгаа авлигалын системийг Монголд анхлан тарьсан нь баримтаар нотлогдоно.

Энэ мэтээр С.Баярцогт бусадтай хамтран Монгол улсад онц их хэмжээний хохирол учруулж байсан болзошгүй ноцтой баримтуудыг “Давстай чихэр” булангаар хүлээн авч үзнэ үү.