Дэлхийн хотуудын өдрийг тохиолдуулан ЮНЕСКО-гоос бүтээлч хотуудын сүлжээнд 55 хот шинээр нэгдсэнийг зарлажээ. Үүнд Улаанбаатар гар урлал, ардын урлаг төрлөөр бүтээлч хотын нэгээр шалгарсан байна. ЮНЕСКО-гийн Ерөнхий захирал Одри Азулей “Бүтээлч хотуудын сүлжээнд нэгдсэн хотууд соёлыг хүртээмжтэй болгох, хотын хөгжилд бүтээлч байдлыг бий болгоход тэргүүлэх үүрэгтэй” гэдгийг онцолжээ.
Гар урлал ба ардын урлаг, дизайн, кино, хоол хүнс, уран зохиол, медиа урлаг, хөгжим гэсэн 7 төрлөөр бүтээлч хотуудыг сонгон шалгаруулдаг. Одоогоор бүтээлч хотын сүлжээнд 100 гаруй улсын 350 хот нэгдээд байгаа бөгөөд цаашид уур амьсгалын өөрчлөлт, хотжилт зэрэг дэлхий дахинаа тулгамдаад буй асуудлууд дээр хамтарч ажиллах аж.