УИХ-ын чуулганы хуралдаанаар Улаанбаатар хотын замын хөдөлгөөний түгжрэлийг бууруулах, гэр хорооллыг орон сууцжуулах тухай хуулийн төслийг хэлэлцэж байна.
Энэ үеэр нийслэлийн Засаг даргын Эдийн засаг, дэд бүтцийн асуудал хариуцсан нэгдүгээр орлогч П.Сайнзориг замын хөдөлгөөний торгуулийн төлөлтийн талаар мэдээлэл өгөхдөө "Торгууль шийтгэлийн төлөлт улсын хэмжээнд 70.1 хувьтай байгаа. Үлдсэн хувь дээр байнгын татамжтай зөрчил гаргадаг, торгууль нь хуримтлагдсан нөхөд бий. Хамгийн дээд тал нь 13 сая төгрөгийн торгуулиа төлөөгүй этгээд замын хөдөлгөөнд оролцоод явж байна" гэлээ.
Мөн энэ үеэр Улаанбаатар хотын захирагч Х.НЯМБААТАР "Гэр хорооллыг барилгажулах, авто замын түгжрэлийг буруулах, наягтаршил ихтэй их тойруу дотор барилга барихыг хязгаарлахаар хуулийн төслийг өргөн барьсан.
Өмнөх төлөвлөлтийн алдааг дахин гаргахгүйн тулд шинээр барилгажих барилгуудыг Их тойруугаас гаргах, их дээд сургуулиудыг дэд төвүүд рүү шилжүүлэх зорилт дэвшүүлж байга. Газар олголтыг үндсэндээ зогсоож байгаа.
Төвийн зургаан дүүргийн Засаг дарга нар газар олгохыг хориглож байгаа. Харин Нийслэлийн засаг дарга төр хувийн хэвшлийн түншлэл, нөхөн олговор байдлаар газар олгоно. Түүнээс авто зогсоол нэмээд түгжрэл буурсан туршлага байхгүй" гэлээ.