Халдварт өвчнөөр өвдсөн хүний тоо өнгөрсөн онд 325,600 болжээ. Энэ нь өмнөх оны мөн үеэс 250,4 мянгаар буурахад коронавирусын халдварын 302 мянган тохиолдол нөлөөлсөн гэж өнөөдөр Үндэсний статистикийн хорооноос мэдээллээ. Тэгвэл 2022 онд тэмбүүгээр 4,144 хүн өвчилсөн нь өмнөх оноос 527 буюу 14.6 хувиар нэмэгдсэн байна. Монгол улсад ХДХВ-ийн халдварын эхний тохиолдол 1992 онд бүртгэгдсэнээс хойш, өнөөдөр нийт 346 тохиолдол бүртгэгджээ. Эдгэр нь 100 хувь бэлгийн замаар дамжсан бөгөөд цус цусан бүтээгдэхүүн, эмнэлгийн тусламж үйлчилгээгээр болон эхээс хүүхдэд халдвар дамжсан тохиолдол байхгүй юм байна. Халдвартай 17 эхээс 25 хүүхэд төрсөн бөгөөд хүүхдүүд эрүүл бойжиж байгаа. ХДХВ-ын халдварын тохиолдлын 81,2 хувь нь эрэгтэй, тэдний 80 хувь нь бэлгийн цөөнх эрэгтэйчүүд байгаа бол нийт тохиолдлын 76,8 хувь нь 39-с доош насандаа оношлогдсон гэсэн судалгаа байдаг байна.