Гадаадын иргэн харьяатын газар 2022 онд Хятад, Орос, Вьетнам, Нигери, Саудын Араб, Казахстан, Филиппин зэрэг 15 улсын 63 иргэнийг Монгол улсаас албадан гаргажээ. Албадан гаргасан үндэслэл нь: 

-Шүүхээр ял шийтгүүлж, ялаа эдэлж дууссан 22 
 

-Эрх бүхий байгууллагын зөвшөөрөлгүйгээр хөдөлмөр эрхэлсэн, ирсэн зорилгоосоо өөр үйл ажиллагаа явуулсан 13
 

-Оршин суух зөвшөөрлийн хугацаа нь дууссан боловч Монгол улсаас гарч явахаас зайлсхийсэн 8
 

-Түр ирэгч визийн хугацааг хэтрүүлсэн 8
 

-Хуурамч бичиг баримт ашиглаж виз, оршин суух зөвшөөрөл авсан, эсвэл виз, оршин суух зөвшөөрлийг засварласан буюу хуурамчаар үйлдсэн 5
 

-Бусад холбогдох үндэслэлээр 7 иргэнийг албадан гаргажээ. 
Эдгээр үзүүлэлтийг 2021 оны мөн үетэй харьцуулахад зөрчил гаргасан гадаад иргэдийн тоо хоёр дахин өссөн гэж Гадаадын иргэн харьяатын газраас мэдээллээ.