Нийслэлийн засаг дарга Х.Нямбаатарын санаачилсан хуулийн төсөлд хотын төвийг төлбөртэй бүс болгохоор төлөвлөж буй. Энэ хүрээнд хотын төвөөс 800 метр зайд авто зогсоолууд барихаар төлөвлөсний эхний төсөл хэрэгжиж хучилтыг тавьж эхэлсэн байна. Тодруулбал, Сүхбаатар дүүргийн нутаг дэвсгэр Ногоон нуурт 10,000 мк2 талбайд 320 автомашины зогсоол, гудамжны хоёр талаар 1.2 км урт, гурван метр өргөнтэй явган хүний зам болон дугуйн замыг хийгдэх юм. Уг төсөлд 4.4 тэрбум төгрөг зарцуулах юм байна.

Уг авто зогсоол ашиглалтад орсноор хотын хойд бүсээс төв рүү орох иргэд тээврийн хэрэгслээ зориулалтын зогсоол байрлуулан цааш явган, унадаг дугуй, нийтийн тээврээр зорчих боломжтой болно.