Эцэг эхчүүд, иргэд И-Монголиа, И-Халамж зэрэг цахим тохиргоонуудаар мэдээллээ шалгахад зөрүүтэй болон алдаатай зүйлс их байгаа талаар шүүмжилж байгаа. Тэгвэл таны мэдээлэл алдаатай, зөрүүтэй байгаа бол оршин суугаа газрын хороондоо хандахыг И-Монголиа цахим хуудасны хөгжүүлэлтийн баг зөвлөж байгаа юм. Тэгвэл иргэд харьяа хороондоо хандахдаа эхлээд мэдээлэл нь үнэн, зөв байгаа эсэхийг шалгуулаад дараа нь ямар мэдээлэл алдаа гарсан байна, тэр дагуу тухайн мэдээллийг хариуцах төрийн байгууллагад хандаж алдааг нь засуулах гэнэ. Тухайлбал, таны хүүхдийн нэр буруу бичигдсэн эсвэл зөрүүтэй байвал улсын бүртгэлийн нэгж газар, харин ямар нэг тоо буруу бол хорооны Засаг даргад, үл хөдлөх хөрөнгийн мэдээлэл буруу бол Улсын бүртгэлд, автомашины мэдээлэл зөрүүтэй бол Автотээврийн үндэсний төвд хандаж мэдээллээ засуулах боломжтой юм байна. Мэдээлэл зөрүүтэй байвал цахимаар хүсэлтээ өгсөн ч болох юм байна. Гарсан алдааг 14 хоногийн дотор засч залруулахыг ЗГХЭГ-ын дарга Д.Амарбаясгалан өнөөдөр хэлсэн бөгөөд “Хүүхдийн мөнгөний тооцооллоос нэг ч хүүхэд орхигдохгүй” гэж давхар мэдэгдсэн юм.