“Counterpoint Research” компанийн судалгаагаар iPhone 15 Pro Max утасны эд ангийн өөрийн өртөг өмнөх загвартай харьцуулахад 37.7 ам.доллароор нэмэгдсэн байна. Титан корпус, A17 Pro чип, илүү сайжруулсан үзүүлэлт бүхий камер зэрэг илүү үнэтэй, дэвшилтэт эд анги ашигласан нь үнэ нэмэгдэхэд хүргэжээ. iPhone 15 Pro Max загварын шинэ корпусын үнэ өмнөх загвартай харьцуулахад долоон ам.доллароор нэмэгдсэн байна. Учир нь корпусыг титанаар хийсэн ба ингэснээр ухаалаг утас илүү бат бөх, 20 граммаар хөнгөн болсон байна.

Шинэ загварын хамгийн үнэтэй эд анги нь A17 Pro 3-нанометр чип бөгөөд камер аж. Өмнөх загвартай харьцуулахад эдгээр эд ангийн өртөг 30 болон 25.1 ам.доллароор тус тус өсжээ. Apple компани санах чипийн үнийг 16.8 ам.доллароор бууруулсан байна. Мөн дэлгэц зэрэг эд анги дээр хэмнэлт хийсэн байна.