Шилдэг гэр бүлийн цуврал гэгддэг Өмнөд Солонгосын “Reply 1988” цувралын хос Ryu Jun Yeol, Hye Ri нар 7 жил үерхсэний эцэст салсныг мэдэгдлээ. 

БНСУ-ын 1988 үеийн амьдралын хэв маяг, ард олны зан араншин, тухайн үед болж байсан түүхэн үйл явдлуудыг таван гэр бүлээр төлөөлүүлэн үзүүлэх энэхүү цувралын Jung-Hwan-ий дүрд тоглосон жүжигчин Ryu Jun-Yeol болон Deok-Sun-ий дүрд тоглосон жүжигчин Hye-Ri нар 2017 онд үерхлээ албан ёсоор зарлахад шүтэн бишрэгчид нь маш найрсгаар хүлээн авч байсан билээ.

Hye-Ri нэгэн ярилцлагадаа: 

- "Бид хоёулаа завгүй ажилладаг ч нэг нэгэндээ цаг гаргаж, ойр ойрхон уулздаг. Бараг хамтлагийн гишүүдтэйгээ уулздагаас ч илүү олон уулздаг байх. Jun-Yeol гаднаасаа хүйтэн, хөндий харагддаг байж болох ч миний хувьд хайр нь дотроо, хал нь гаднаа төрлийн хүн" хэмээж байсан төдийгүй хамтдаа гадуур болзож алхах, дугуй унах зэргээр 2 хос ихэд нээлттэй үерхдэг байсан бөгөөд энэхүү салалтын мэдээ нь фэнүүдэд нь ихээхэн гэнэтийн байгаа аж.