Монгол Улсын Ерөнхийлөгч У.Хүрэлсүхэд Холбооны Бүгд Найрамдах Бразил Улсаас Монгол Улсад хавсран суух Онц бөгөөд Бүрэн эрхт Элчин сайд Маркос Безерра Аббот Галвао Итгэмжлэх жуух бичгээ өргөн барилаа.

Элчин сайдыг үүрэгт ажилдаа орж буйд нь Ерөнхийлөгч баяр хүргэж, амжилт хүсээд харилцаа, хамтын ажиллагааг бэхжүүлэхэд хүчин чармайлт гаргана гэдэгт итгэж буйгаа хэлээд, төр, засгаас бүх талын дэмжлэг үзүүлэхээ илэрхийлсэн байна.

Мөн олон улсын хамтын нийгэмлэг, НҮБ болон олон улсын байгууллагын хүрээнд харилцааг бэхжүүлэхийн төлөө ажиллах байгааг тэмдэглэв. Элчин сайд  Маркос Безерра Аббот Галвао харилцаа, хамтын ажиллагааг өргөжүүлэн хөгжүүлэхийн төлөө идэвхтэй ажиллахаа илэрхийлжээ.