Нийслэлийн Ардчилсан намын даргаар Т.Батцогтыг сонголоо. Нийт 235 гишүүн саналаа өгснөөс олонхийн саналыг Т.Батцогт авч чадсан байна. Нийслэлийн АН-н сунгаанд Д.Бадарсан, Т.Батцогт, М.Тулгат нар өрсөлдсөн юм. 

Т.Батцогт нь МоАХ-ноос нэр дэвшин өрсөлдсөн бөгөөд дэвшүүлсэн мөрийн хөтөлбөртөө Нийслэлийн Ардчилсан намын гишүүдийн тоог жилийн хугацаанд 40 мянган шинэ хүнээр нэмэгдүүлэх, гадаад харилцааг түшиглэн намын гишүүдээ БНСУ, Япон зэрэг оронд сургалтад хамруулах зэрэг арга хэмжээг авна гэдгээ мэдэгдсэн юм.