УИХын гишүүн Н. Учрал олон нийтийн сүлжээнд хүний эрхийг хамгаалах тухай хуулийн төсөл боловсруулж өргөн барих гэж байгаа талаар өмнө бид мэдээлж байсан. Тэгвэл тэрээр энэхүү хуулийн төслөө өнөөдөр өргөн барих юм байна.  Түүний боловсруулсан хуулийн төсөл зөрчилтэй, хууль бус үйл ажиллагаатай болон өсвөр насны хүүхдүүдийг гэмт хэрэг, аливаа ёс бус зүйлд уруу татсан, уриалсан, буруугаар нөлөөлсөн зэрэг хандлагатай конетнтуудыг хязгаарлах зорилготой. Харин фэйсбүүк хэрэглээг хаах гэсэн зүйл огт байхгүй гэж байсан юм. Н. Учралын мэдэгдэлд “... харин УИХ-ын зарим гишүүд Монгол улсад фэйсбүүк хэрэглээг хаах саналыг хүртэл тавьж байсан юм билээ. Ардчилсан улс гэдгээрээ олон нийтийн сүлжээг хаалгах санал огт байж болохгүй. Албан байфгууллагууд дотоод сүлжээ, группээрээ холбогдож, ажлаа хийж, мэдээгээ түгээж байна. Худалдаа энаймаа эрхэлдэг иргэд, аж ахуй нэгжүүд лайв хийж борлуулалтаа өсгөдөг, амжиргаагаа залгуулдаг зэргээр Монголчуудын хэрэглээний салшгүй хэсэг болсон. Ардчиллаас ухарч, фэйсбүүкийг хаах хэрэггүй” гэж саналаа илэрхийлсэн юм.