Засгийн газраас хүүхдийн мөнгөн тэтгэмжтэй холбоотой авч хэрэгжүүлж байгаа арга хэмжээний талаар өнөөдөр танилцууллаа. Энэ үеэр ЗГХЭГ-ын дарга Д. Амарбаясгалан “Монгол улсын нийт хүүхдийн 91 хувьд нь мөнгөн тэтгэмжийг олгох шийдвэр гарсны дагуу, хүүхэд бүрд 100.000 төгрөгийг хүргэхээр ажиллаж байна. Хүүхдийн мөнгө 17 жилийн турш олгогдож байгаа бөгөөд өнгөрсөн хугацаанд нэг ч хүүхэд орхигдож байгаагүй юм. 1.039.000 хүүхдээс өнөөдрийн байдлаар өрхийн сангийн мэдээлэл нь үнэн зөв бэлэн болсон 823.354 хүүхдийн мөнгө өнөөдөртөө багтаж дансанд нь орно. Энэ нь хүүхдийн мөнгө авах хүүхдүүдийн 72 хувь нь юм” гэж мэдээллээ.