Өчигдөр буюу Арван нэгдүгээр сарын 24-ний өдөр сэтгүүлчид Улсын мөрдөн байцаах газарт шалгагдаж буйгаа шил дараалан мэдээллээ. Үнэхээр энэ улсад Үндсэн хуулийн эрх зөрчигдөж, төрийн алба ухралт хийж эхлэв үү? Тодруулбал мэдээ мэдээлж, иргэдийн дуу хоолой болсныхоо төлөө сэтгүүлч ял авч болзошгүй зураглал хөвөрч байна. Гэтэл эдгээр үйл явдлуудтай зэрэгцээд иргэдийн нүд чихнээс далдуур ҮАБ алдагдаж болзошгүй санаанд үл багтам үгс ордны гадна дотно ч яригдаж байгаа. Энэ нь зургаан жилийн хугацаатай сонгогдсон Ерөнхийлөгч У.Хүрэлсүх хугацаанаасаа өмнө огцорч болзошгүй гэх бор шувуу. Тодруулбал У.Хүрэлсүхийг огцруулах акцыг МАН-аас Ерөнхий сайд Л.Оюун-Эрдэнэ, АН-аас Ерөнхийлөгч асан Х.Баттулга нар нарийн боловсруулсан төлөвлөгөөний дагуу өрнүүлж байгаа талаар ойрын эх сурвалж мэдээллээ. Тэгвэл энэ эгзэгтэй үед сэтгүүлчдийг хуулийн байгууллагууд шалгаж эхэлсэн нь улс төрчид цэвэршихийг хичээж буй оролдлого гэх хардлагыг дагуулж байна. Улс төрчид гэдэг нь сангуудын зээл, нүүрсний хулгай, хөгжлийн банкны хэрэгт нэр холбогдсон МАН, АН хоёрын буруу гарын тоглогчид. Тэд сэтгүүлчдийг хууль, хуулийн байгууллага руу анхаарлаа хандуулж байх хугацаанд Ерөнхийлөгчийг огцруулах тохироог хийж, үйлдсэн хэргүүдээ нударгандаа наймаалцах нь.

Мэдээж Ерөнхийлөгчийг огцруулах жагсаалыг 12 дугаар сараас эхэлж өрнүүлнэ. Удалгүй Ерөнхийлөгч хариуцлагаа хүлээн огцорч байна гэх халил дор ордноо орхин гарна. Энэ үед яагаад сэтгүүлчид өнөөдөр шалгагдаж байсныг анзаарч магадгүй. Тодруулбал энэ удаагийн сэтгүүлчдийн холбогдсон хэргүүд удахгүй өрнөх жагсаалын суурийг цутгасан явдал болж болзошгүй юм. Өөрөөр хэлбэл сэтгүүлчдийг хуулиар далайлгаж байх хугацаанд мэргэжлийн жагсагч нар төв талбайд байраа эзэлж, ордноос хэсэг хүмүүсийг олзлон авч турхирна. Энэ бүхний эцэст сэтгүүлчид болоод иргэд хөшигний ард өрнөж буй нууц тоглоомын өгөөш байж таарна. Үндсэндээ төрийн эргэлтийг иргэд, хэвлэлийнхэн хийсэн мэт харагдахаар найруулж байна гэсэн үг. 

Энэ удаа ҮАБЗ задарвал өнгөрсөн жилүүдийн турш гарсан хэргүүд мартагдаж, МАНАН эргэж ирнэ. Гэхдээ цоо шинэ МАНАН.