Замын хөдөлгөөний удирдлагын төвөөс өнөөдөр Зайсан тойруугийн гудамж замын хөдөлгөөн зохион байгуулалтад энэ сарын 21-нээс эхлэн өөрчлөлт оруулах болсон талаар мэдээлэл өглөө. Тодруулбал, Дүнжингаравын буюу уулын зам, Туулын гүүр, Оргилын замын хөдөлгөөн өглөөний 6:00 цагаас эхлэн нэг чигт орох нь байна. ХААИС-ийн баруун хойд уулзвар, Хийморийн овоо талаасаа буюу Дүнжингаравын гудамж баруунаас зүүн, зүүнээс баруун чиглэлтэй урагшаа хойшоо чигээрээ явна. Харин хойноос зөвхөн чигээрээ буюу баруун эргэнэ. Мөн Дугуй цагаан руу явдаг гурван замын уулзварыг нэг чигийн хөдөлгөөнтэй болгоно. 
ХААИС-ийн уулзвар огтлолцолгүй болоод, Зайсан тойруугаар тойрч, баруунаас зүүн чиглэлд зорчих иргэд ХАИИС дээр гэрэл дохионы хүлээлтгүйгээр баруун эргэх боломжтой болж байна. Ийнхүү зайсан тойруугийн гудамж замын хөдөлгөөний зохион байгуулалтыг өөрчилснөөр нийтийн тээврийн зургаан чиглэлийн 61 автобусанд өөрчлөлт орж байгаа юм. Мөн ХААИС-ийн зүүн талын автобусны буудлыг Зайсангийн гудамж буюу танктай хөшөөний баруун хойд чиглэл рүү шилжүүлэх юм байна. 
Өөрчлөлт орох нийтийн зургаан чиглэл: 

-Ч42: Сүлжмэл-Нарны гүүр- Зайсан 
-Ган хийц-Ханын материал-Зайсан
-Зайсан-Дэнжийн мянга-Засгийн газрын автобааз-Согоотын гудамж
-Зайсан- Офицеруудын ордон
-Зайсан- Цэцэг төв- 11 дүгээр хороолол
-Богдхан амралт- Сүхбаатарын талбай гэсэн чиглэлүүд байна.