АНУ-ын мужуудын талаас илүүд нь “Тик Ток” нийгмийн сүлжээг албаны төхөөрөмжүүдэд ашиглахыг хэсэгчлэн болон бүрмөсөн хориглосон нь Хятадын эрх баригчид мэдээлэл цуглуудаг байж болзошгүй гэсэн болгоомжлолоос үүджээ. “ CNN” телевизээр мэдээлснээр “Бүгд найрамдахчууд болон Ардчилсан намынхан аль аль нь удирддаг АНУ-ын 20 гаруй мужийн эрх баригчид тус программ нь хэрэглэгчдийнхээ талаар их хэмжээний мэдээлэл цуглуулдаг тул улсынх нь дэд бүтцийг эмзэг байдалд оруулж болзошгүй гэж болгоомжилж энэ арга хэмжээг авсан гэсэн байна. Зарим муж улсад “WeChat”, “AliPay” зэрэг Хятадтай холбоотой бусад программуудыг хориглосон байна. Өнгөрсөн сарын сүүлээр АНУ-ын Төлөөлөгчдийн танхим мөн хууль тогтоох байгууллагын ажилтнуудыг албаны төхөөрөмж ашиглан Тик Ток хэрэглэхийг хориглосон юм. Үүнийг үндэсний аюудгүй байдалд аюул учруулж байна гэж Америкийн тагнуулууд үзэж байгааг тус улсын Тагнуулын төв газрын дарга Уильям Бернс энэ сарын 16-нд мэдэгджээ.