Б.Лхагвасүрэн: Шатахуун импортлогчдыг төрөөс дэмжиж 707 тэрбумын зээл олгосон

Шатахууны хомсдол үүссэнээс улсаараа хүнд байдалд ороод байна. Энд тэндгүй автомашинаа түрсэн дүр зураг харагдах болж, сургуулийн аютобуснууд эхнээсээ зогсож, хүүхдүүд явгараад байна. Салбар хариуцсан сайд нь жаахан тэсчих хоёрхон хоног гэж байгаа ч хангалттай тэвчиж тэссэн хүмүүст хүндээр тусаж байна. Иргэд монопол компаниудын хийж буй ажил хэмээн буруутгаж байгаа бол УИХ-ын дарга Г.Занданшатар гаднын компаниуд шатахууны зохиомол хомсдол үүсгэж байгаа тухай  мэдэгдсэн. Харин энэ талаар Монголбанкны ерөнхийлөгч Б.Лхагвасүрэн  "2021 оны аравдугаар сард мөн шатахууны хомсдол үүсч байсан. Тухайн үед Засгийн газар 311 дүгээр тогтоол баталж, шатахуун импортлогч аж ахуйн нэгжүүдийг 45 хоногийн нөөцтэй болгохоор Монголбанкнаас тодорхой хэмжээний санхүүжилт олгохоор шийдвэрлэж байсан. Үүний дагуу шатахуун импортлогч 20 аж ахуйн нэгжид 707 тэрбум төгрөгийн зээл олгосон. Одоо 13 аж ахуйн нэгж нь 335 тэрбум төгрөгийн зээлээ төлж дуусаагүй байна. Зээлийн хугацаа энэ сард дуусаж байгаа. Гэтэл одоо ч шатахууны хомсдол байсаар байгаа учраас Монголбанкны зүгээс зээлийн хугацааг сунгах нь зүйтэй гэж үзэж байгаа" гэлээ