Дарга нь дайжигнав. Харамсалтай нь Улаанбаатарын өнөөдрийн дүр зураглал өмнөх жилүүдээс харьцангуй унж дорой байгаа нь нууц биш. Гэтэл хотын дарга Х.Нямбаатар Бядгүй масс гэж тоомжиргүй нийтлэв. Нэгэнтээ ахиж нэр дэвшихгүй гэдгээ зарласан учраас иргэдээ ингэж дуудах нь ёс зүйтэй үйлдэл бололтой. Өөрийгөө “Бядтай” гэдгийг тэр батлан хэллээ. Монгол улсын Засгийн газрын сайд байхдаа “Барилгачин сайд нарын нэг болсон”. Нүүрсний хулгайтай тэмцэж, “шувуу” ажиллагаа өрнүүлж “Т.Бадамжунай, Д.Наранхүү” нарын шувуудыг авчирсан. Тэр бядтай худалч. Учир нь пластик хочит Д.Наранхүүг зүсээ хувилгасан гэж мэдээлсэн ч өнөөх нь бага зэргийн өтөлсөн л болохоос өөрчлөгдсөн зүйлгүй эргэн ирсэн.  “Нүүрсний сонсгол” зохион байгуулахаар ажиллаад тус эсийг олсон. Мөн барьж ирсэн Т.Бадамжунай гэх шувуугаа наадмын эхний өдөр сулласан гээд бядтай явсан улс төрч хотын дарга болоод хараалаа барж, уурлаж сууна.  Энэ мэт ёс зүйгүй үйлдэлдээ тэр гэмшсэнгүй. Харин ч иргэдээ “Бядгүй масс” хэмээн хувийн хуудастаа жиргэлээ. Угтаа ийм үйлдэл, харалган үгийг одоогийн эрх баригч нар жилдээ нэг удаа ил хэлдэг ёс тогтож байгаа ажээ. 

Тодруулбал Д.Сарангэрэл гишүүн ХНХ-ын сайд байхдаа айл өрхүүдийг "Улны айл" хэмээн тодотгон ярьж байсан. Тус үйлдэл нь Монгол Улсын Үндсэн хуулийн тодорхой зүйл заалтыг зөрчсөн гэх үндэслэлээр албан тушаалаас нь 2022 оны есдүгээр сарын 22-ны өдөр огцруулсан байдаг.