Хөгжлийн банкийг шалгах УИХ-ын түр хорооноос зохион байгуулж буй нотлох баримтыг шинжлэн судлах сонсгол  Эрчим хүчний яамны зээлийн мэдээллээр үргэлжилж байна. Сонсголын эхэнд шинжээчийн дүгнэлтийг сонслоо. Шинжээчийн дүгнэлтэд, Эрчим хүчний яамнаас "Тавантолгой" цахилгаан станцын төслийг санхүүжүүлэхээр Хөгжлийн банкнаас 14,81 сая ам.долларыг 6,125 хувийн хүүтэй, 2014 онд олгосон байна. Одоог хүртэл үндсэн төлбөрөө огт төлөөгүй. Өнөөдрийн байдлаар, үндсэн төлбөрт 51,04 тэрбумыг төлөх ёстой бол хүү, торгуульд 7,32 тэрбум нийтдээ 58,36 тэрбум төгрөгийн үлдэгдэлтэй байна. Тухайн үед Эрчим хүчний сайдаар М.Сономпил ажиллаж байсан гэлээ. Дараа нь УИХ-ын гишүүд асуулт асууж, хариулт авлаа. 

УИХ-ын гишүүн Д.Ганбат: Маш чухал төсөл хэрэгжихгүй байгаагаас жил бүр 200 сая ам.доллараар эрчим хүч худалдан авч байна. Монгол Улсын эрх ашигт нийцсэн юм явдаггүй. Хөгжлийн банкнаас зээл авсан байж, энэ төсөл яагаад хэрэгжээгүй вэ. МАН-ын УИХ-ын гишүүд ашиг сонирхлын зөрчилтэй шүү. Болоогүй төсөл болгоны ард улстөрчид байна. 
 

Эрчим хүчний сайд асан Ц.Даваасүрэн: Яагаад зээл авсныг би мэдэхгүй. Би 2017 оноос эхлэн сайдаар ажиллаж эхэлсэн. Аягүй бол энэ станцыг барьсан нөхөд эргэж төлнө гэж гэрээн дээр нь байгаа байх гэв.